Астанада Халықаралық отбасы және Аналар күніне орай «Анаға тағзым» аллеясы ашылды.
Астанада Халықаралық отбасы және Аналар күніне орай «Анаға тағзым» аллеясы ашылды.
Іс-шара Астана қаласы әкімдігі жанындағы Әйелдер істері және отбасылық-демографиялық саясат жөніндегі комиссия мен Қазақстан халқы Ассамблеясының республикалық Аналар кеңесінің бастамасымен өтті.
Шара барысында көпбалалы аналар мен қоғам белсенділері 100 түп ағаш отырғызып, отбасы құндылықтарын, ананың қоғамдағы рөлін және ұрпақ тәрбиесінің маңызын насихаттады.
Қазақстан халқы Ассамблеясы республикалық Аналар кеңесі төрағасының орынбасары Ботагөз Ахтаеваның айтуынша, мұндай бастамалар қоғамдағы ананың мәртебесін арттырып, ұрпақтар сабақтастығын нығайтуға ықпал етеді.
«Анаға тағзым» аллеясы – бұл тек ағаш отырғызу акциясы емес, бұл – анаға деген құрметтің, отбасы құндылықтарына деген жанашырлықтың белгісі», – деді ол.
Ал Астана қаласы әкімдігі жанындағы Әйелдер істері және отбасылық-демографиялық саясат жөніндегі комиссия хатшысы Карлыгаш Саркенова елордада отбасы институтын нығайтуға бағытталған іс-шаралар алдағы уақытта да жалғасатынын атап өтті.
«Бүгінде отбасы құндылықтарын дәріптеу, жастар тәрбиесі мен ананың қоғамдағы рөлін күшейту – маңызды міндеттердің бірі. Осындай шаралар қоғамды біріктіріп, рухани құндылықтарды насихаттауға мүмкіндік береді», – деді Карлыгаш Саркенова.
Бөлісу:
