Түркістанда бүйрегін сатуға оқталған тұрғын ұсталды

Түркістан қаласының ауданаралық сотында трансплантациялау не өзгедей пайдалану үшін тірі адаманың ағзаларына қатысты заңсыз мәмілелер жасауға байланысты айыпталған М.-ге қатысты қылмыстық істі аяқтады, деп хабарлайды Elordainfo.kz Түркістан облыстық сотының баспасөз қызметіне сілтеме жасап.

Сотталушы М. өзінің бүйрегін сату мақсатында 2025 жылдың ақпан айында «Телеграмм» әлеуметтік желісі арқылы жарнамалаған. Нәтижесінде қылмыстық әрекетті имитациялаушы ішкі істер органдарының қызметкері «А» есімді тұлғамен жолығып, 13 млн. теңге қаражатқа ағзасын сататынын келісіп, 5 млн. теңге қаражатын қолма-қол алу барысында ұсталған.

Сотта, сотталушы М. өз кінәсін толық мойындап, бұл әрекетке ауыр материалдық жағдайы мен ақша қаражатына мұқтаждығы себеп болғанын, сол себепті өзінің ағзасын сатуды жоспарлағанын көрсетіп, жасаған ісіне өкінетінін білдірді.

Сот, жасалған әрекет ауырлығы орташа қылмыс санатына жататынын және зиян келтірілмегенін ескере отырып, «Қазақстан Республикасы Конституциясының отыз жылдығына байланысты рақымшылық жасау туралы» Қазақстан Республикасы Заңын қолданып, 05.02.2026 жылы сотталушы М.-ді қылмыстық жауаптылықтан босатып, іс жүргізуді тоқтатты.

Қаулы заңды күшіне енген жоқ.

Ақпарат: Elordainfo.kz

Фото: freepik.com